()()周處除三害（轉載的）
古辰光宜興叫荊溪。周處是荊溪縣西步村人，後來才搬到縣城東門外頭住。他個老子叫周魴，做過太守，周處小辰光頑皮到勿得了，歡喜弄槍弄棒，力氣又大，看到哪家勿順眼，拔出拳頭就打，勿曉則有多少人吃過佗個虧，嘸不一個勿恨佗，拿佗又嘸辦法。
搿一天，佗走過東門菜花橋一爿酒坊，一只狗從酒坊里一竄出來，朝佗他汪幾聲。周處又發火咧︰「你搿只鬃牲，來咬我周處嗒？」擒起腳就踢，狗被佗踢到汪汪直叫，滿處亂跑。
酒坊老板看到是周處，要緊嗑頭作揖，向周處賠罪，請周處饒啦搿只看家狗。周處惡聲惡氣氣講︰「狗勿打殺，酒缸打翻！」老板嘸辦法想，眼睜睜看佗拿狗打殺啦。
周處打殺酒坊看家狗搿事體一息息就傳遍全城。城里人都講︰本來荊溪有兩害，現在變成則三害咧。一個老佬叫士吉，佗講︰「我來教訓教訓佗。」有人講︰「覅去送命吧」。士吉老漢講︰「我自有辦法。」
士吉就登勒城門口候好則，一直候到吃過飯，周處搖啊搖，過來則咧。
士吉等周處走到面前，就自言自語講︰「周處搿只細鬃牲，要麼我看勿見佗，看見佗要教訓教訓佗。」
周處听到有人講要教訓佗，就大喝一聲︰「呔！你講底個！」
「我講，念周處個父親搭我是結拜弟兄，勿然要同佗拼命。」
周處本來要伸拳頭，听到佗是父親個結拜兄弟，就捋拳頭。佗問士吉︰「 為底要同周處拼命？」
「近年來南山出則一只吊楮白額老虎，白r 里都出來傷人；長橋底下一只蛟龍，年年要供祭它一個童男，否則興風作浪，勿曉則傷則多少人命咧。如今又出則一個周處，橫行鄉里，為非作歹。連同南山白額虎，長橋水中蛟，已成荊溪三害，老百姓還有r 腳過勿啊？拼也是死，勿拼也是死！」
「周處本事大，是少年英雄，哪會是荊溪一害？」
「哈哈哈！講底個少年英雄，佗會斬蛟sh 虎，為民除害勿啊？」
「蛟龍老虎算底個，還會吃則住我個刀槍弓箭嗒？」講完，周處轉身就走。
周處跑到家，帶上寶劍，背起弓箭，直奔南山。滿山跑下來，尋勿到老虎。天晏下來則後，佗就蹲勒柴窠里頭。勿一息，一陣風，呼——！一聞，風里有腥氣，曉則是老虎，天晏，又看勿見老虎。
老虎蹲勒山頭頂，尾巴甩呀甩，覺著越甩越重，還有點痛兮兮——原來一只夾蛇烏龜，齊頭夾勒老虎尾巴上，尾巴越甩，夾得越緊。
搿辰光，一陣缸片雲推過去，露出麻花亮月。幾幾乎是同一辰光，周處看見則老虎，老虎也看見則周處。
等周處挽弓搭箭，老虎四腳一蹬，直朝周處撲來。周處要發箭已經來勿及，料定必死無疑。哪曉則老虎個尾巴上夾著一只大烏龜，離開周處還有一線線，就從空中跌則下來。周處要緊弓拉滿月，對準老虎頭「嗒」一箭，sh 中老虎左眼。老虎痛到要死，縱身一跳，箭尾正好踫勒樹丫枝上，箭頭穿透後腦。周處見老虎跌勒地上，跑上去一看，箭勒老虎頭上一個對穿過。他怕老虎勿死，又對準老虎右眼一腳，連眼烏珠都踢則出來咧。
周處拿老虎掮到家，拿老虎皮剝剝，虎骨熬熬，又燒一大鍋老虎肉，請街坊鄰居都來吃老虎肉。周處打死南山白額虎個事體一間間就傳遍則荊溪城。大家都講周處除啦一害，做則好事咧。
周處sh 死老虎，又去斬水中蛟。
搿辰光是十月天氣，霧多，蛟龍身上癢，勒水里頭蹲勿住，就要浮出水面。搿天大霧，周處身背寶劍，一個老早就來到長橋上。一息息，長橋底下水浪翻滾，水花飛濺。周處曉則蛟龍要出水咧，眼楮睜到蠻大，眨勿眨看好則水面。突然，一個浪頭沖天而起，蛟龍半條身子露出水面。說時遲，那時快，周處手持寶劍，縱身一躍，正好騎勒蛟龍頸根頭。周處左手緊緊握住蛟龍獨角，右手拿寶劍對準蛟龍頸根刺下去，拼盡力道硬是刺勿下——龍鱗又厚又硬，堅硬如鐵。
蛟龍覺著有人騎勒它頸根上，就拿尾巴用力一甩。周處听到背後陣風聲，隨首一低頭，緊緊貼伏勒搿蛟龍身上。蛟龍個尾巴甩到周處，反而重重一記，甩勒自家頭上，痛到直抖，想到它一陣抖，拿周處抖勒水勒咧。
搿辰光，蛟龍已經逃進太湖，周處勒水里頭奮力追趕。眼看蛟龍越逃越遠，周處見湖邊有座山，就高聲喊道︰「山哥哥！山哥哥！快點幫我攔住它！」說也奇怪，周處話音剛落，搿座山真咾長一個山嘴，拿蛟龍攔住。蛟龍只好回頭逃，齊頭踫到後底追趕來個周處。周處一把抓住龍角，一個翻身又爬上龍背。
周處緊握劍柄，對準龍頸根死命刺，死命戮，還是戮勿進。佗就拿寶劍順著龍頸根往下移，齊頭戮勒命門里，一股腥血直冒出來。緋紅個血一直淌到太湖邊頭一條港勒——蛟龍終于被周處刺死啦。周處拿蛟龍拖上岸，把龍角斬下來，又拿龍皮剝下來，挑著龍皮、龍角往城里去。
周處從東門進城，走經菜花橋酒坊，酒坊老板捧出一大壇酒，慶賀周處斬蛟sh 虎、為民除害。滿城百姓也涌來看龍皮龍角，看斬蛟sh 虎個英雄。
周處悔過自新除三害，後來又听則士吉老佬的話，拜陸機陸雲為師，終于成為一代名將。
後涉來，人們把周處開頭用劍刺蛟龍個地方叫做「上移皮」，第二劍刺中蛟龍命門個地方叫「下移皮」，攔住蛟龍個山咀叫「攔山咀」，被龍血染紅的港叫「紅港」。因為蛟龍死啦咧，輪到供祭男童個村莊總算保住則男童，搿個村就開始叫「男留村」——搿些地名到今朝還一直存在。長橋也被改成蛟橋，連蘇東坡還洗石題詞︰「晉平西將軍周處斬蛟之橋。」